اسمك غنوۃ
اسمك لوحده غنوۃ
وعيونك لوحه حلوۃ
كل حاجه شدتني
الطيبه فيك والقوۃ
.
نقشت أسمك بالحروف
وعشقتك رغم الظروف
يا غنوه حابب اسمعها
وقابل شروطك وأنا ملهوف
.
قلبي كان غريق
تايه زي طفل برئ
بنظره بس منك
شوفت أحلى طريق
.
وفجأه اخدت عليك
ماحنيه العالم فيك
كأني أعرفك من سنين
كأني كبرت علي ايديك
.
والروح شبه الروح
ونفس برضو الجروح
هنعدي كل صعب
هنحقق سوا كل طموح
.
يا فرحه قلبي ومناه
أتمني تعيش معاه
انت أجمل هديه
ماليش في الدنيا سواه
...................
خالد المنصوري / مصر
ليست هناك تعليقات:
إرسال تعليق