( مالناش فى الحب )
إنساه ياقلبى وليك هدية
إنساه بقه وحس بيا
وتعالى نرجع زى زمان
أبقى ليك وتبقى ليا
أصل الحب كله كلام
كله جراح وكله آلام
وهم فى وهم وخداع
ياللا نهرب منه أوام
أوله كان طعمه جميل
كنا بنقول فيه مواويل
وبسرعة قلب بجراح
وكلام بين قال وقيل
أنا وإنت إتعذبنا كتير
يمكن مالناش ف التعبير
الحب عاوز الكداب
أنا وإنت دخان بيطير
تعالى نشوف فين الدوا
تعالى نعيش مع بعض سوا
وطز فى الحب وسيرته
وطز كمان فى أم الهوا
( جمال رمضان )
ليست هناك تعليقات:
إرسال تعليق