مفيش شبكة
.............
سايبني لمين ؟
ومشغول عني بس بمين !!؟
وليه الثانية
بتعدي عليه سنين ؟
سايبني ليه بقا ما ترد
خلاص مليت زهقت العد
بحس بروحي مسحوبة
ربيعي بيتقلب طوبة
ويفضل قلبي يسألني
عليك والشوق بيحصرني
في خانة إليك
وببدأ أشك
ويبقي مزاجي متعكر
واحط الملح ع السكر
وبعمل قهوة من تاني
وغيظي يكز في سناني
وبحلف والله ما ح افكر
وهنساه زي ما نساني
وتصعب نفسي علي نفسي
وألاقي رساله علي واتسي
حبيبتي انتي وحشتيني
بقالي ساعة مستنيكي تحت البيت
ده حتي مكنش في شبكه
ولسه يادوب آهي شابكه
وببعت والله من بدري أهو شوفي
عنيه تلف م الربكه
وبغرق منه في كسوفي
......................
للشاعرة / سماح السيد مشعل
Samah Mashaal
ليست هناك تعليقات:
إرسال تعليق