طمنيني
طمنيني بعد إذنِك
عامله إيه فيكي الحياة
عامله إيه فيَّا الحياة؟!!!
ساعة حق
وساعة زق
وساعة ظلم
وساعة آه
طمنيني عليكي تاني
إحكي من ثانية وثواني
كل شئ حلو وتمااام
الحمد لله والسلام
بس قلبي والخصام
بس أصل!!
بس أصل!!
حلمي ف الليل انكسر
نجم عمري إنحسر
كنت بحلم
باللي تايب
واللي عايب
واللي غايب ف الحياة
توهه ف عيوني وقلبي
عايشة بين الآاااااه
وآاااااه
طمنيني طب كويس
قولت إني بخير حقيقي
بس كان نفسي ف طريقي
اخطي فوق جسر الحنين
أزرع العمر بسنين
تنبض الأيام ف عيني
بس قولت طمنيني
قولتلك إني بخير
........................
للشاعرة / منى عبد الرحمن
ليست هناك تعليقات:
إرسال تعليق