عديت على قلبى
فى ليل كان لى صهد حزين
قطفت الورد
حلفت يمين ما أنا سايبك
يا ضلة وشهد
زرعت الخوف جوايا
ما أنا مرايا
تشوف تقرا إللى جواها
وعندى الرد
وساعة الجد تلاقينى
بأطوق شوقى وحنينى
وأعيش بالصد
وصدق القول يكون لازم
ولا بارتد
ما أنا الكاملة فى أوصافى
جميلة القد
وتسعد لما تلقانى
فى ساعة ود
ومهما تهون ليا الدنيا
أنا صاينة لأخلاقى
وليا حد
................
للشاعرة / بتول العتربي
ليست هناك تعليقات:
إرسال تعليق