حلاوة روح
..................
دنيا وفيها حلاوة روح
أيام بنعيشها وبتروح
فرحينا فيها يا دوب
يتعد
والباقى أوجاع وجروج
.......
كات أحلامنا يا دوب
عالقد
حلم قد صوابع اليد
لقمه هنيه وعيشه
بسيطه
والضحكه بتنطق
عالخد
....
كنا بنحلم زى الناس
بالحب فى العين
يتحس
كنا بنحلم وحلمنا عادى
زى كل الناس ما بتحلم
كنا بنحلم وحلمنا نونو
ندوب فى الحب
وفى شجونه
نسهر مع قمره ونجومه
وندوق سوى طعم الحب
كنا بنحلم
كنا بنحلم
على شحاتة سليم
ليست هناك تعليقات:
إرسال تعليق