عشان أب
......
خبينى ف عيونك قوى
و إداري م الأيام ف زمنى
أنا بيكى ع الأيام قوى
و بلم أحلامك ف حضنى
و الخوف إذا فرفط زمانك
حافرد سنينى شبك عشانك
وإن جف عمرى بين عيدانك
ضمى براح الروح ف جفنى
.....
أنا باختصار جوايا أب
شاف عمره متبعتر قصاده
أيه بعد موت الحلم صعب
لو جف ف غصونك معاده؟
خلينى أعيش نزعى الأخير
و انا لسه فى قلبك أمير
من حزنى بيكى بستجير
و العمر ف عيونك بلاده
....
بحرس بواقى العمر فيكى
يا آخر الحلم المباح
و نهايه الأحلام عينيكى
لو لسه ف الأيام صباح
والصبح بان لو انتى بنتى
و الحلم راح لو مره بنتى
يا بكره يا أمى و بنتى
ومفيش حياه من غير جناح
........................
للشاعر / عاطف عبد الحميد
ليست هناك تعليقات:
إرسال تعليق