مجلة ثقافية أدبية فنية
الخميس، 25 يونيو 2026
الأربعاء، 24 يونيو 2026
الأحد، 21 يونيو 2026
بياعة الشاي ... بقلم الشاعرة / هيام الشهاوي
"سكووووت هنصور"
بياعة الشاي
بقلم
الشاعرة / هيام الشهاوي
هو انتِ مين يامو الجبين
مكتوب عليه صبر وعرق
م الشقيانين التعبانين
ولا الغلابه المطحونين
علشان يغطوك بالورق
احنا الضحايا المظلومين
الشقيانين التعبانين
تعالوا شوفوا المجرمين
كانوا قد ايه مستهترين
والروح خلاص مالهاش ثمن
هو اللى زيك يؤتمن
ضليتي ليه أصل الطريق
شق يتي ليه قلبي البريء
عجلتي ليه قطر الزمن
أروح لمين واقول يامين
اشهد يارب العالمين
أنا عايزه حقي مقدما
يارب يرضيك نتسرق
ونموت كدا بعد العرق
عايزه القصاص هو الخلاص
من غيره قلبي هيتحرق
لموا السكاري المطلوقين
لو حتى دى تكون بنت مين
هو احنا ليه كده مظلومين
فى العمر حتي بنتسرق؟
مستكترين حقك يابنتي اللى اتهدر
بشهاده زور علشان يروح دمك هدر
هو انت مين ؟ دا المطحونين
فى بلدنا آفه ومش بشر
وادى اللى كان
الموت مسيطر ع المكان
والجاني عايز طوق نجاه
وقف الزمان ٠٠٠٠
قال ابوها عايز حقها
قال بنت عمري
أنا اللى واخد مهرها
لو مين تكون
ازاى تحلل دمها
وحياة عيونك ( ياهدير)
ربك كبير ماهحلها
والكل واقف ينتظر
بس الغريب فيه شيء عجيب
البنت مش حسه بخطر
الضحكه عاليه ع الوشوش
الحقنا حوش لم الوحوش
واياك تقول ذنب القدر
السبت، 20 يونيو 2026
بياعة الشاى ..... للشاعر سمير محمد محمود
بياعة الشاي
للشاعر سمير محمد محمود
ايه يعني تموت؟
ماهي ماتت وقت ماكانت
عايزة تعيش
فماتقنعنيش
ان البت البالغة خمستاشر
والواد الداخل ف حداشر
دهسوها ف لحظة طيش
طب اراهنك انها كان
نفسها في الموت؟
واسألوا ذلها علشان
ما تجيب لولادها القوت
واسألوا اندال وكلاب
حطولها شروط
نتفولها الريش
واسألوا كام عين كانت
بتعري في مفاتنها
واسألوا كام داين
رفضوا سكوتهم على دينها
وإسألوا معدتها
عن طعم الشاي من غير قراميش
وعايزها تعيش؟
ما هو كل يومين
بياعة شاي يدهسها
جموح بنت الباشا
وابن الباشا
وبكل سهولة يموت الجُرْم
ويتلاشى
فيسود الليل
وشموس الحق تغيب
ماتجيش
فازاي هتعيش؟
بياعة الشاي
من يوم مولدها بتتداس
من فقر لذل لحد
دخولها الاحداث
من ساعة لما ايديها اتمدت
ومباني الحلم قصادها اتهدت
ورصيدها ف بنك الدنيا مافيش
يمكن دلوقتي بموتها تعيش
فماتقنعنيش
الاشتراك في:
الرسائل (Atom)
فن البوستات كمال العطيوى
-
تحليل وشرح لحن قصيدة ( دعاء الشرق ) كلمات / محمود حسن إسماعيل ألحان وغناء / محمد عبد الوهاب اللحن والموسيقى من مقام (الرست) ال...
-
إسمحي ف حضرت جنابك أعترفلك بالحقيقه قلبي أهملتيه ف سابك وانتي ماطلعتيش بريئه إدعيتي إني إنتهازي وإني ظالم وإنحيازي وف غ...
-
تغريدة الشـــــــــــــعر العربي السعيد عبد العاطي مبارك – الفايد ( مصـــــــــر ) ----------------------------...
-
اهداء بمناسبة شهر رمضان الكريم وكل عام وانتم بالف خير شرح وتحليل لحن ( رباعيات الخيام ) على وزن بحر(السريع والخفيف والرجز) ع...
-
أنا وقلبي وأنت بقلم // سليمان كاااامل .... ********************** يهتز طربا حين لقياك يهيم وجدا بنور رؤياك ........ أقول ...
-
قالــــوا منيــــن الأمـــــل أنــــــا قلـــت من سينــــا وقــــالوا ايــــه العمـــــل انـــــا قــــلت ما نســــينا ... -
الشاعرة / إيمان محمد انا العاشقة لأيامه و ما أزعل مرة لملامه وكل شيء له ...
-
قلت لهم ذات يوم اني أصلي إماما بالقمر كذبوني وقالوا مجنون علمت بأن قلوبهم كالحجر وبلغوا أرذل العمر لكنهم لا يعشقون .......................... -
أمر عادي اللى بينى........ وبين بلادى شيئ طبيعى.... وأمر عادى يعنى عادى...... ألقى نورها جوه شريانى......... وفؤادى م الطبيعى....... أبق... -
في قريتنا ديك بيأذن ولابيصليش ديكنا بيحضر كل أوان لما نكون عاوزين إنسان يمثلنا لاجل نعيش ديكنا يأذن تلاقي دجاجاته واقفه وراه ونافشه الري...
