كل عمر وليه مراحل ............ للشاعر / سمير محمود

كل عمر وليه مراحل
كل حي و بكره راحل
واللي باقي واللي فاضل
هو عملك في النهاية
................
كل حكمة وليها معنى
كل حزن يزيدوجعنا
واللي خانا واللي باعنا
واللي الف ميت رواية
....................
كل واحد عنده قصة
كاملة كانت ولا ناقصة
فيها ضحكة وفيها غصة
وفيها عبرة وفيها آية
.................
كل كلمة وليها صوت
لو تحوشها راح تموت
لو تقولها راح تفوت
راح تحقق بيها غاية
...................
كل حاجة وليها عيبها
وكل غابة وليها ديبها
وكل روح تاخد نصيبها
وكل والدة وليها داية
...................
كل عدل وليه ميزان
وكل طرح وله أوان
واللي يهرب م الميدان
عمره ماينول الولاية
...................
كل ليل وليه نهار
وكل حلو وفيه مرار
واللي قايد فينا نار
يبقى مش قد الحكاية
.......................
ياللي توب الغش لابس
ياللي فوق الدم راقص
لو صحيح بألمنا حاسس
كنت حسيت م البداية
..................
كل درس وليه إفادة
وأي جور تلغيه إرادة
واحنا شعب وليه سيادة
مين ينكس لينا راية
  سميرمحمود