.jpg)
صباح عام جديد
صباح الخير
أنا لا بيرم ولا جاهين
ولا الأبنودي ولا حجاب
أنا ياناس راجل مسكين
على بيوت الشعر
واقف ع الباب
اخبط خبطة
أدق دقة
واستنى إللي جوة
يرد جواب
لو عاجبة كلامي
يقول اتفضل
ولو مش عاجبة
يرد الباب
قبل ما تطلع مني الكلمة
باعمل ليها ألف حساب
علشان عارف معني الكلمة
ونا مش حمل لوم وعتاب
وحروفي حلوة فيها موسيقى
كلها صدق ومش كداب
مش ناقصني غير أسمع منكم
لو ياريت كلمة إعجاب
أنا لا بيرم ولا جاهين
ولا الأبنودي ولا حجاب
أنا
وهبه البوهي
ليست هناك تعليقات:
إرسال تعليق