قلبى إللى كان يملاه سكوت
احساسه موت
قام واندفع
يملا خزاينه بالوفا
عاوز دفا
والخلق ماتقبل قنوت
طالبه لحبه ينجلى
ويعلاله صوت
طب والحيا
كان راح وراحت قصته
ولقبلته أنا كنت أفوت
وأنا من أصول المعرفة
متكتفة
ما أقبلش كلمة مرجفة
متربطة بحبال ياقوت
الحب دا طهر وغنى
مهما نقول لبعضنا
هوه ضميرى إللى اكتفى
وأما اتنفى
ضقت بحياتى كلها
وح أقول لها
بكفاية ظلم ومسكنة
والصعبنة
أعمارها من عمر البيوت
تبنى ولما بتنهدم
يفضل تابوت
وآه م السكوت
للشاعرة / بتول العتربى
ليست هناك تعليقات:
إرسال تعليق