بيحسدونى علي خفه دمي
الضحكه إللي كات مخفيه
دلوقتى بتطلع من همي
وإللي مش واخد خلفيه
أقوله تعالي يلا نتسامر
هتلاقي كلامى موزون
ومكانى دايماً عامر
وباشيل الكل ف عيونى
وباحب صحابي بجنون
واصرف كل ما ف جيبي
ولو آخر مليم في الكون
وبداري حزنى المِتكَفّى
م أنا اصلاً حزنى متشفى
كأنى جزار حريف
والضحكه بتطلع تخاطيف
فاطم قلبي علي لقمه
وراضى بكسرة عيش
والهدمه بالبسها نضيفه
لو حتي معموله بخيش
علمى والله غزير
فيزيائي وباقلب نجار
كيميائي وبشكل مهول
وأمّا أزعل اقعد ف الدار
وأحول الخشبه لمحلول
لو قالوا هتبقي.وزير
أو شهبندر تجار
أرفض وبرضوا أقول
أحب أبقي خفيف
دنا نظري أكتر من سته
والقلب من جوه نضيف
محبوب من كل الحته
أنا حد طيب وجميل
الضحكه بتطلع ببشاشه
مبحبش أعمل تجميل
ومشاعري دايماً جياشه
الضحكه ظاهرة ع الشاشه
وبحب الخير للغير
انا قلبي جامد مباخفشي
غير م غدر الأحباب
والسهم الغادر ميصيبشي
إلا كيان الكداب
أحارب الدنيا بحالها
لجل كرامة أحبابي
وأخطى الوحله بأشكالها
م أنا دايماً سهل و إيجابي
وأترجي الحسنى من المولي
.محبش لحبيبي عتابي
دايماً بتمني رضاه
واستني ولو كلمه آه
ساعتها الوش الخَشّابي
يتحول لصراخ وياه
والدنيا تتحول عنابي
كفايه إنى أبقي معاه
ليست هناك تعليقات:
إرسال تعليق