أنااااااا
.........
أنا إللى الدنيا خذلتنى
وخلتنى أبيع مناديل
أبات الليل وانا أبكى
ما رحمتنى سقتنى الويل
أبات الليل وانا ضاجر
ومتحير وليلى طويل
لا منى وصلت مشوارى
ولا أنا سلمت م التهويل
وادعو الله يثبتنى ويغفرلى
آثام ومعاصى وهم ثقيل
أنا إللى تعبت ياربى
وما لغيرك عليا جميل
كبرت خلاص كبر سنى
وشاب شعرى وجسمى هزيل
مئامن بك بقرآنك.
مقر بمحكم التنزيل
إلهى إنجدنى من ذلى
صبرت وصبرى مالو مثيل
تعبت ياربى دبرنى
وشايل حمل جد تقيل
لامونى وهدوا فى قوايا
وانا راجل بجد أصيل
سامحنى واغفر الذلات
أنا راحل وسفرى طويل
إلهى الذنب من طبعى
ولطفك بيا عفو جميل
ولما أموت تسامحنى
بدون عفوك هشوف الويل
.................................
كلمات فضيلة الدكتور الشيخ/ شعبان وحدالله
ليست هناك تعليقات:
إرسال تعليق