(كشف الحساب)
الصمت هوا بلوتي
هوا نصيبي وقسمتى
ولوحده عارف سكتى
أغيب كتير
أسهر كتير
الدمعة سايلة من زمان
فى مخدتى
والضحكة غابت من سنين
عن دنيتى
وغلبت ادور في الحكاية والسبب
هوا دا خوف ؟
ولا وجع ؟
ولا ألم ؟!!
ولا دا أحلام وانتهت ،،
ضاعت هدر فى محنتى ؟!
ليه بس دايما ..
لما اجي أقرا الكتاب
ما القاشي فيه غير صوت العذاب ؟
والغدر من أهل وصحاب !!
نسيونى ليه ؟
والأدهى جايين يفتحوا
كشف الحساب
على ماضي راح
لما ملوا قلبي أنا
حزن وجراح
جايين لي تاني
يطلبوا مني السماح !!
فين هيا طيبة قلبهم
لما الألم
كان يفترس قلبي الغريب ؟؟!
ولا نصيبي وقسمتي
إني أعيش
من غير حبيب ؟؟؟!!!!
تقاسيم / محمود صابر
ليست هناك تعليقات:
إرسال تعليق