مسحراتي
مخللاتي
بخلل يوماتي
ف الجزر واللفت
مهنة جدودي
عارف حدودي
ياريت تعودي
ياليالي زمان
أيام عبيطة
ومش بسيطة
والعيشة فيهااا
زفت ف زفت
لمون معصفر
وفلفل أصفر
وشطة حامية ف السلطانية
زتون مخلل
فسّر وعلل
معمل مخلل
فاتح شهية
صابر وراضي
وزبوني فاضي
والفقر جاحد وسيفه ماضي
زبوني مبقاش ياخلق زي زمان
بنيت عمارة ف قلب حارة
من مكسبي ف رمضان
دلوقتي بحكي دلوقتي بشكي
م الفقر والحرمان
ملعون أبوكي يامهنة بارت
مسطردة كاتشب عليا جارت
حبيت أصولي أسمع لقولي
دنا قولي صايب
الكار دا كاري
أصلي وأراري
بيتي وداري
جابلي المصايب
اصحي يانايم
اصحي ياعايم
الصبح صايم
مغرب وفاطر
خليلي خاطر
ف دماغي ورشة
ياأكلة حرشة
هات المخلل
خلّي الولاد بالفانوس تحلل
الطرشي طاب لي
والدق علي طبلي
ناس كانوا قبلي
قالوا ف الأمثال
الطرشي أصلي
بتسيب مفاصلي
وميجبليش أملاح
اصحي ياصايم
وحد الدايم
رمضانك قايم
مفهش جراح
رمضااااااان كرييييييم
هشام سليم
كنج العربي
شاعر الحرافيش
الإسكندرية مصر
ليست هناك تعليقات:
إرسال تعليق