ما بلاها فروضنا الجدليه
وتعالىٰ ناقشني بشكل عميق
أنا فهرس شبعان هزليه
مُتعمق داخل مني غريق
والواضح ظاهر ف النيه
والنيه بـ ملمح حد برئ
ونوقف حبه الملاغيه
نتكلم نحكي بشكل جرئ
...
أنا واحد خارج تصنيفك
وف عز البرد بكون صيفك
أوقات ف الحر بكون ضيفك
لكن تلقاني ف شكل ضمير
ملكوتي ونفسي
ده شئ تاني مالهومش علاقه بتكوينك
أنا بحر وهادي هدوء نسمه
من جوه ده خارج تفكيرك
إشارات لمرور
ووشوش للناس
وخليط من نور وخليط عتمه
إحساس بالروح بيخطي الروح
والروح بتروح من روح غلطه
أنا نفسي لنَفسي بتهمس همس
في كهف النيه اللي ساترها
جُوايا ملَكوت وفوقيها سموات
أنوار ونجوم،.. شمس بصيره
وسحاب وغيوم.. مسرح خاطر
أمواج لهواجس بتعافر
أنا عُمقي لنفسي حجاب ساتر
أنا لون لداڤنشي ف ألوانه
وبريشة الشعر المتنبي
أنا عٍلم زويل ورقم ذاتي
ومعادله لغورث ف قوس مَحنٍي
أنا حَد يروح ينقذ إنسان
وفنفس الوقت بيشهد زور
انا فيا فضول رغم التقويٰ
جوايا كتير بٍر وإحسان
إنسان وشيطان معجون من طينة بني أدمين
اوقات بلاقيني في وسط الجان أب لشياطين
أحيانا رغم القسوه ملاك..
وفـ لبس شيطان وبيوعظهم
وبرغم بكل ما بيا بنام
وبحط دماغي وانا بـ أغظهم
وهاشيل انا هم الدنيا دي ليه
او همي وهمك مش فارق
بنفارق ناس وبنعرف ناس
وبيُقعوا كتير وبنتفارق
اسباب الفُرقه تملي كتير
بقرار وماهوش أصلآ فارق
علىٰ إيه أنا وإنت هنتعارك
ولا فارق لومي ولا عتابك
ولا حتىٰ وجودك من عدمك
أنا شُفت ولادتَك جوه غياب
وحَضرت جنازتك يوم ندمك
عزيت في فُراقك للأسباب
وقَفلت صُراخي علىٰ سكوتَك
ونكَرتك حتىٰ تكون فـ عتاب
ونكَرت فـ يوم أصل وجودك
وأهو كل مُقابل حسنه ثواب
مَاهو أصل الحسنه بأمثلها
ولا هافرض حتىٰ بإني صَواب
و(اقليما) وفتنة أخواتها
مَاهو (أدم) نَازل أصلهُ عٍقاب
شوف سورة (البقرة) وحٍكمتها
: :
و ا ئـ ل..
ر ش
و ا
ن🖋
ليست هناك تعليقات:
إرسال تعليق