أنااااااا
..........
دخلت سوق الدهب
أسأل على عيارى
لقيت ورق العنب
مسجل أوزارى
لقيت هناك الطماطم
ضربت فى أسعارى
إترصوا فى البتارين
قادت أنا نارى
جرالك إيه يازمن
ليه هينت مقداري
شمت فيا البصل
والتوم قعد جاري
حاولت أجيب جرجير
يستر بقى عارى
لقيته بقى مستكبر
يقعد هناك جاري
حاولت أزيح دمعتى
وهمومى ومرارى
نزلت يا ناس دمعتى
واسود مشوارى
يا دنيا إيه السبب
فى رخص أسعارى
قالوا الجنيه إتخفض
قام ولعت نارى
....................
أنا رحت سوق الحمير
يمكن ألاقى جار
قام الحمار نهرنى
قال إمشى من جارى
مفيش هنا برسيم
دارى بلاك دارى
لو كنت يوم صنتنى
كان لك مكان جارى
إبعد وسيب سكتى
وخلى الدولار جارى
شوف لك يا فقرى جنيه
وخيبة الأمل دارى
ما خلآص مات الجنيه
وارتفعت أسعارى
وإنت اللى سعرك رخص
إوعاك تحوم جارى
وبلغ بنى الإنسان
قدرى ومقدارى
.................................
كلمات فضيلة الدكتور الشيخ/ شعبان وحدالله
.................................
ليست هناك تعليقات:
إرسال تعليق