العرق دساس
ياخاطب البنت شوف الأم قبليها
العرق دساس ما تعرف ايه
اللي بعديها
الام لو صالحه صلاح للبنت يعديها
الام لو شين ولا كل الدنيا تكفيها
قالوا زمان القدره لو ع الفم تقلبها
تلقي البنت زي الأم تتبعها خطاويها
ياللي تريد الجمال جمال الروح يكفيها
معاك تشيل أحمال وعيش وملح كافيها
ياخاطب البنت شوف الام قبليها
العرق دساس وشرف البنت يحميها
الام لو صالحه تزين الدنيا بما فيها
والبنت لو طالحه تغور الدنيا ياواد بيها
والأرض لو بور حرام ترمي
بذرتك فيها
الأرض لو مالحة ولا نيل مصر يرويها
والكلمة لو جارحه ليه تنطق ياواد بيها
فيه بنات تدخل بيوت تخلي واطيها عاليها
وبنات تخرب بيوت تخلي عاليها واطيها
أقرأ كتاب الحكم شوف ايه انكتب فيها
العرق دساس فكون حساس تفوز وتعيش أمير فيها
ياخاطب البنت شوف الأم قبليها
كلماتى يحيي ابراهيم محمد
ليست هناك تعليقات:
إرسال تعليق