قلبي وعقلي
عقلي معاك رافض قصة
وقلبي معاك كفيف لسه
صراع داير ما بين لاتنين
وانا بينهم مانيش خالصة
صراع داير عشان ابعد
بدون أسباب
هعيش دايماً في نار وعذاب
بنتخاصم كتير أيام
ولما قلبي يوجعني
يرجَّعني
بلهفة أكتر من الأول
و شوق احباب
وإيه أخرة دا كله ايه
ومين يكسب مابين لاتنين
عقلي صح
ولكن!!!
دايما آجي عليه
طريقي صعب ماهواش سهل
ولو ذنبي في اني بحب
دا يبقى لقلبي أحلى ذنب
اكيد حساباتكوا مغلوطة
مشاعر قلبي مظبوطة
هحبه مهما كان رفضي
هحبه واقول دا من حقي
واقول للقلب انت احق
واقول للعقل مليون لأ
ليست هناك تعليقات:
إرسال تعليق