هيقولولك اني فاسد وانتهازي
زي هتلر يعني فكري كله نازي
واني فالت واني أصلا زير نسا
واني عمري لحد ما اعلن انحيازي!
......
هيقولولك اني برضو واد حويط
واني بارع ف الخباثة وليا صيت
واني شخص سليط وغارق ف العيوب
واني واحد مش مؤدب و ابن تيت!
........
هيقولولك اني بمشي واحنا ف نص الطريق
هيقولولك اني فاشل واني ليكِ مش بليق
هيقولولك اني بوعد بس برجع تاني ابيع
واني دايما للي احبه ف يوم بسيء
.......
هيقولولك اني شاطر ف القوالة و الغزل
وان قلبي ف الغرام ساب مكانه واعتزل
هيقولولك اني بعشق كل ليلة الف قلب
وان حبي ف النهاية مش مثالي ومُبتذل!
...........
وانا من كلامهم يا حبيبتي بستمد قوّتي
هفضل احبك للنهاية ومش هغيّر وجهتي
و مهما عني هيقولولك اوعي مرة تصدقي
لو تسمعيهم راح يعيشوا وف هوانا تموّتي!
سميرمحمود
ليست هناك تعليقات:
إرسال تعليق