والقلب خاليه مخدته
سهران يسبح بالآمال
يبدر عناقيد المني
جوه المحال
تطرح لقا
ويجيبلى فارس ع الحصان
فايت يصبح زى نسمايه على خدى يفتح وردته
شمسي بتشرق من عينيه
متذوقه
ودفاه بيسبق خطوتى
المتشوقه
ويعدى بيا لبر مليان بالأمان
وبكلمتين لهفه وحنين يحضن ايديا البردانين
حب ووفا
ويقيدلى شمعات الأمل جوه الليالى المجحفه
يافرحة جاتلى مهشتكه
حالفه لاتمسح دمعتى
وتصالح الخدين كمان
وتبخر العاصيين يتوبوا في حضرته
لمى الساعات المهلكه
واهديلى من حظ القلوب
ساعة هنا بصحبته
وهات يابن قلبى اتنين حنان بالحبهان والمستكه
#عبير مبارك#
ليست هناك تعليقات:
إرسال تعليق