الحق مجنون
الدنيا براح والليل مبدور
والفجر مقرب يعمل سور
وحيطان اسمنت من الغالي
وحجر قرعون
متشوفش الخضره
دي مش ملكك
ولا حتي النور
آخرك تتملا نور السكه
وكباري البور
تصرخ من وجعك مش سامعك
ولا سامع نفسك يتألم
لو راجل؟ عايزك تتكلم
وتعدي السور
البيه والباشا رجع تاني
ولا احنا زماننا رجع تاني
يفرعن فرعون
والله يا صاحبي
انا اهو باحبي وباقول تاتا
بصيت لرجولي
لقيتها انكتبت ع الداتا
تنده ع الكل وبغتاته
الحق مجنون
العمر يعدي مكتفني
ع الرف ياخدني يستفني
لو اكبر ديمه يبستفني
جني المسكون
لا انا شفت البحر ولا بصيف
ولا مره سيجارتي بتكيف
ويكون في العون
لو شفت مراكبي يعديني
عديني بعمري وسنيني
ومعايا شيلتي وبطاطيني
وكفن للنور
عاطف كمال
شاعر هواره
ليست هناك تعليقات:
إرسال تعليق