( صبرنى يا ربى)
-------------------
مهما طال الفراق
قلبك ساكن قلبى
وعيونى ليكى تشتاق
تتمناكى هناجنبى
دا البعد ما ينطاق
صبرنى يا ربى
تعبت من الاشواق
على اللى كان طبى
===========
عيونى الدمع خاصمها
وحتى النوم جافاها
ولا صبر عاد حاكمها
والحزن يجرى وراها
ولا كان البعد لازمها
وجف الدمع جواها
ولا عاد حد فاهمها
زى اللى فات دنياها
===========
نسيت البسمة من بعدك
وحتى الضحكة مخنوقة
وكوانى لهيب بعدك
وحاسس روحى مشنوقة
م الدنيا انتهى ودك
وخدودى بالدمع محروقة
لا مرة ليا بان صدك
دانا اللى روحى محقوقة
============
على الذكرى انا مرهون
والحنان اللى كان منك
مرار البعد فيه مسجون
مشتاق لضحكه من سنك
كان قلبك لقلبى حنون
وكل الحب كان عندك
عشان عينك بحب الكون
وبعدك لكان منى ولا منك
=((((((محمودعمار الزلبانى)))))))
ليست هناك تعليقات:
إرسال تعليق