حبنا الحلو الأمين ... للشاعر / صفاء الخواجة

 

حبنا الحلو الأمين

لو حبيب..ليا بصحيح..

عايزة وعد. يكون صريح

تبقى ليا..وابقى ليك..

حب دايم..كون.فسيح!

ضهر وقت الشدة يسند.

يبقى ليا دراع..مريح.

لو حبيب..ليا بصحيح

خلي بينا م..الصراحة

والمودة..والوضوح..

إللي يبني..بالأمان..

وإللي بيطبطب حنان

وإللي يمسح من عيوني

دمع. دام لي من. زمان.

لو حبيب..ليا. بصحيح..

خلي قلبي. يعيش. سنينه

جوه نبضه..سعيد بيضحك

خلي جوه عنيك...آلاقي..

نظرة توعدني..بأماني!!

كن. لي فجري والليالي..

مش أكيد..الحزن. دايم..

جاي بعده كتير..آيادي..

تفرش الورد...بدروبي..

وبحنيني. أروح لقلبك..

ألقى دربه يقول. تعالي

لسه مستني. بآمالي..

من عيونك..والحكاوي

يبتدي بيني..وبينك..

عمر جاي لنا..بحنانه..

يدي لينا كل..شوقه..

بعد ما حرمنا.. وأخدنا

ف سكة كانت مش عشانا

بس كانت. مكتوبة لنا..

سارقة منا ف كل حين..

فرحة راحت ف السنين.

لو حبيب..ليا بصحيح.

يلا. بينا..نبتديه!!

حبنا الحلو..الآمين..

بقلمي/ صفاء الخواجة