أنا مش مجنون
او يمكن جد اكون مجنون
فيه شك وداخل في يقيني
لكن اللي اكيد...
انا مش موزون
بترنح حتي ف تفكيري
محتاج ترميم...
تصليح للروح
محتاجٍك جنبي تعالجيني
انا حد. اتنين وبقيت مدبوح
م الشرخ الشاقق في يقيني
ف بقيت ملعون...
والعنة ف قلبي بترميني
علي نفسي وخارج تكويني
انا نَفسي ونَفسي بنتحاسب
علي واحده وحالفه ل تكوٍيني
انا مش مجنون..
انا واحد خارج موازيني
بضحك علي نفسي علي حنيني
علي واحده وسميتها حياتي
قامت دبحاني ب سكيني
انا مش مجنون...
انا فيه نُصين بيحاربوا كياني وف ميداني
انا فيه فرسان وف ارضي جنود
بنموت بعض وبنعاني
وبننزف شعر علي وجعنا
والشعر دا سجني وسجاني
ف بقيت مسجون
وبقيت سجان وبقيت جاني
وبقيت ك الروح من غير جته
ف سجونها وحالف لأعاني
حابب من طيفها يموتني وملاكها وهو بيحييني
قدامها انا بصرخ بحنيني
ف بقيت مهزوم / مهموم / محروم
وكتبت عشانها انا وحشاني
وياخدني حنيني ويرميني
علي سكه بعيد مفيهاش غيرك
ومريضك فيا ده بيعاني
وانا من طيرك
والغيٍيٍه المفتوحه عشاني ولا انتٍ بتصطادي ف طيرك
انا كنت سنين حالف ما اطير ولا اغير ريشي
ولا مطاري
حاطط بجناحي انا ف داري
ولا الف الارض ولا مداري
ولا اغير حتي خطوط الطول
ولا بارخي ف مره خطوط العرض
انا اصلا فرض...
رافض والله اكون سُنه
ومعلق يافطه علي جبيني
"اني ما بعشقش"
انا قولت زمان الناس
*فترات وجبرت انا نفسي ما تتعمقش*
ازاي..
انا بغرق ف حنيني علي واحده واصلا ما بتشتاقش ؟؟
طب قوليٍ ازاي انا جالي جنون
وبقيت ازاي مجنون رسمي
باتكلم مع نفسي ونَفسي بتفكر انه حوار بينا
برسم ف خيالي حياه كامله
والناقص اصلآ كان منا
فرق التوقيت شرعآ موجود
والفجر اهو اذن من غيرنا
ولا طولنا ركوع ولا حتي سجود
والشمس إدارٍت ورا غيمنا
ماتت لحظه
فا اللحظه دي وقفت علي روحنا
*عدم استدلال علي ملامحنا*
وبقينا ف دنيا غير الدنيا
وانا وانتي حكايه ما تتصدق و طلعنا خيال
قولتيلي ازاي راح اكون خًٍيَال وبدون مُهره
او اكون إنسان عاشق زهره
الحلم بنفسه بيرويها و تطرح صبار
رغم ان الحلم دا كان هزيان لكن جوايا بتحقق
تأويله مرار
وانا مش مُنهار ولا جاي اهزي من درب جنون
وبقول في حوار لخَيال بيشذ
انا ممكن اها اكون مجنون لكن جوايا
كيان ما اهتز
بس استاهل!!
واستاهل وصم اكون مجنون
وتقولي عليا صحيح مجنون
وده من حقك
القصه دي اصلآ درب جنون
علي حد وعاقل كان حابٍك
ماهو اصل مفيش عاقل ف الكون
ها يحب يعيش مسجون جواه
وبيشكي فراقٍك من بُعدك
غير المجنون
وٌ آ ئ لَ..
ر شُ
وٌ آ
نِ،،،
ليست هناك تعليقات:
إرسال تعليق