قلب أبيض
وراح قلبي اشترى صبغة
عشان يُصبُغ حَنايا الرُّوح
وقال يِمكن يعيش حَبَّة
فِ وِسط الناس
بدون أوجاع.. ولا تِدمي عروقُه جروح
وقال أصل البياض فِ القلب
بيأذي كل كلمة تبوح
فيمكن لَوْ غَمَق لُونُه
يطاوِع عقلُه وظنونُه
واهو يعافِر يعيش مَبسوط
ما يعرَف حَد مكنونُه
فهل مُمكن يكون قلبَك برئ جدًا
وترضىٰ تِغَمَّقُه سِنَّه؟
عشان يعرف يعيش الناس
بدون إحساس
بدون النفس لَوَّامَة
ماهُو يا ناس كتير يامَا
يعيش القلب قلبُه ابيض
ويِتجَرَّح ويِتعَوَّر
وينزِف طيبة من روحُه
ويوم ما لسانه يتهور
يقولوا قليل أدب بُوحُه
كتير واللهِ يا ربي
ليست هناك تعليقات:
إرسال تعليق