نفسى أصدق
إنك خرجتى من دنيتى
ما انا لسه شايف
طيفك قصادى دايما منور سكتى
أيوه مشتاقلك يا أمى
ونفسى اشوف تانى ضحكتك
عارفه أيه وحشنى منك
كان هو مصدر فرحتى
طله حلوه من عنيكى
بالكون ده كله ودعوتك
لما اجيلك واقعد معاك بالساعات
تحكى عن ايام زمان و الذكريات
آآه يا أمى وحشنى قربك
عمرى ما ارتحت إلا جنبك
نفسى الاقى نفسى فى حضنك
كنت بانسى كل همى والدنيا فيه
آآه يا أمى اشتقت له فين ألاقيه
فاكرو دايما وبحن له
وهموت عليه
نفسى يرجع معاك تانى بيا الزمان
وأكون قريب يا قلب طيب
يا نبع صافى من الحنان
آآه يا امى لسه فاكر ضحتك
حتى لسه برضوا فاكر كلمتك
كل شىء فى الدنيا دى
يا ابنى بأوان
نفسى يرجع معاك تانى بيا الزمان
واكون قريب يا قلب طيب
يا نبع صافى من الحنان
أيوه حاسس من يوم ماغبت
نورى انطفى
كل احساس بالأمان
بعدك يا أمى فجأه اختفى
نفسى تاخدينى فى حضنك
وأعيش معاكى لحظه صفا
كنت لما بالاقى نفسى
ماشى فى متاهه دنيتى
كنت اجيلك اقعد معاك بالساعات
نفتكر مع بعض أجمل ذكريات
وأجمل زمان من عمرنا عدى وفات
تكتمل فى القرب منك فرحتى
دلوقت لما الشوق ياخدنى
الاقينى جايلك
بس حضنك مش لاقيه
وفى مكان غير المكان
انت ساكنه وعايشه فيه
مش ده بيتنا بس فيه نهايه حياتنا
وبرضوا بيتنا مرجوعنا ليه
نفس اعيش لحظه حنان
وأنا بين ايديكى وجوه حضنك
وانسى كل الدنيا فيه
نفسى يرجع معاك تانى بيا الزمان
بس المكان من غيرك أنت
مش ده المكان
حتى بيتنا اللمه فيه راحت كمان
بيتنا بعدك لاء يا أمى مش هو بيتنا
لسه مش قادر أصدق
إن دى نهايه حياتنا
نفسى تانى معاك يرجع بيا الزمان
واكون قريب يا قلب طيب
يا نبع صافى من الحنان
ليست هناك تعليقات:
إرسال تعليق