الفرح جاى فما تقلقوش
ولا تشتكوا م الإنتظار
طول عمره كان بالشكل دا
بيجي نهار
ويغيب نهار
بيسيب مساحه للوجع
و الحزن ياخد حصته
غاوي الهزار
كيفه الدلع
وبيشكي سنه وصحته
فماتقلقوش
وان عدة وانت ماشوفتهوش
العيب عليك
انت وعينيك
اما الفرح مالهوش عيوب
في كل مجلس له مكان
د الوقت او كان من زمان
انا شوفته مره وكان ملان
داخل منشن علي القلوب
فماتقلقوش
الفرح جاي هيروح منين
مالهوش طريق غير من هنا
تملى بيمشي علي اليمين
ساند علي كتف الهنا
لَابس عبايته ومنتشى
لا همة دا ولا كل إشى
عمره ماخاف ولابختشى
غير م العشم او م المُنى
فماتقلقوش
ليست هناك تعليقات:
إرسال تعليق