مكتوب علي ظهر التذكرة
باقيلك من الأمنيات ثلات.
يوم سعد ويوم مني
ويوم يعوض اللي فات
والاماني متبعترة
فساتين فرح بالفترينات
بالفرح تلاقيها مستكترة
وتتمتم لها قلوب بنات
يوم سعد هاتوا مبخرة
تكفينا شر النفاثات
للصغيرين يوم يكبروا
وليهم نسلم الرايات
يتشد عظمهم ويقدروا
ياخدوا عزانا في الممات
يوم مني يتشد ليهم عظمهم
واحنا حتي نكون رفات
و يوم نقابل ربنا
يغفر لنا كل الزلات
وينعم علينا ب الجنات
عوضنا عن كل اللي فات
قطعوا كل التذكرة
ده الجايات أكتر م الرايحات
كلماتي / ايمان محمد
ليست هناك تعليقات:
إرسال تعليق