الخميس، 13 فبراير 2020

تمنى الشهيد ( رثاء للشهيد ملازم أول أحمد حشيش ) ... للشاعر / عبد الله السايح


ربما تحتوي الصورة على: ‏‏شخص واحد‏، ‏يبتسم‏‏











رثاء للشهيد ملازم أول أحمد حشيش
صديقي الحبيب وابن مدينة شربين
.....(تمني الشهيد)........
طلبت ونولت ياغالي
شهادة وتبقى في العالي
في كل صلاة بتطلبها
تقول ربي ناولهالي
ولما كنا نتناقش
تقول في القلب أنا ناقش
بروحي ودمي انا فارش
مصر حبيبتي ترحالي
ضحكت وقلت ياصغير
شبابك لسه بتغير
جمالك وحده بيحير
في زوجة تبقى للخالي
بسرعة قلت أنا مشغول
بحب مصر عرض وطول
حبيبتي بحبها مسؤول
أرضي وهيه رأسمالي
ندهت حمادة افهمني
عليك مشغول .. تصبرني
ونفسي في يوم أعيش فرحك
تقول ربي يقدرني
واشوف مصر محروسه
بطرحتها تقدرني
في حضني وليها ميت بوسة
وبين أحضانها تحررني
ومش محتاج انا عروسة
سرير في ترابها رسمالي
سلاحي شايلة على كتفي
ودمي عمره مايكفي
وروحي شايلها على كفي
مصر حبيبتي وحلالي
كلامك لسه في دموعي
وروحك منها ينبوعي
وحبك زرعه في ضلوعي
وترثي حروفي أنا حالي
وآخر كلمة في وداني
تقول لي إدعيلي ياغالي
شهادة وفيها ماتعاني
فدا أرضك تموت عالي
بدمك تروي آمالي
تقول قدمت في الشرطة
هتحمي مصر م الورطة
وتطلب مني أدعيلك
وأرفع إيدي للعالي
وحشني ياروحي وعينيه
يانسمة يادوب معدية
ياطيف لمسته بإيدية
وباقي عمري موالي
إيدين الغدر بتطولك
وكات الجنة محصولك
شجاعتك والله على نولك
وباقي معانا طوالي
........(شعر ).........
...(عبدالله السايح)...
رثاء للشهيد ملازم أول أحمد حشيش
صديقي الحبيب وابن مدينة شربين

ليست هناك تعليقات:

إرسال تعليق

فن البوستات كمال العطيوى