للعب اُصول
للعب أصول بتبان علي طول
مع اول مسكة الدومينه
هي اللي تقول
إن كان حريف غني ع التعريف
هيجيب المكسب لو خسره واللعب يطول
دومينه علي الشيش
واكون في اللعب معاك بالند متكسبنيش
إن لعب اليك لواحدهُ إتعك.. وراحت الفوره ولا تجليش
وهدوس واموتلو ابو عشره.. اللي إسمه البيش
بتلاعب مين ياللي انت ف وقت الشده تروح متجيش
هتقول معلش وراح اسامحك... فيه ملح وعيش
علشان انا صاينو وعمايلك...... بتقولي مفيش
طيب ولأمتي عليك هصبر.... وانت اللي بتقلب وبتهجر
وبكل بساطه تبيع تغدر......... وتقول ياشويش
احنا اللي مالينه خزاينكوا... جه وقت حسابكوا وغلاوتكوا
مش هقبل منكوا معلش دي سكه متمشيش
علي كل الموجود في رصيدكوا... بأدبنا وسيطنا نداينكوا
احنا اللي عملنا البحر طحينه وغمستوه بالعيش
احنا اللي جراحنا بتداوا.. بنصاحب والروس تتساوا
اسلوبنا معاكوا ب قساوه ... ليكوا سابقه وفيش
كلمات.. محمود رجب
ليست هناك تعليقات:
إرسال تعليق