يُحكى أنَّ ..! ....... للشاعر/ حسن السحماوي

يُحكى أنَّ ..!

طول ما فينا .. الزيف يزوف ..

والمعانى تايهه منا ..

وأما بتوه الحروف ..

جوه منا ..

أما يتملكنا .. خوف

والكلام محبوس فى جوفنا ..

لما غاب الحق عنا

والضمير .. تايه .. مابينا

بس عايش لجل ... إنا .. !

ربما حايكون زمنا .. مش زمنا

يُحكى أنَا ..

صوت صهيل الخيل

بيفرك فى المفارق ..

واللى غرب .. واللى شارق

واللى حس بالمزانق ..

قالوا .... .مات ..!

فى الحقيقة ..

عمر صوت الحق ما يموت ..

من سُكات ..!

............شعر ..

حسن السحماوى ..