وبتعٍب نفسى ع الفاضى
وأقول راضى
بطعم المُر والعلقم
وطعم المُر مش راضى
ولا فاضى يصبرنى
وعاش العمر بيلجم
لسان حال اللى يعذرنى
وعقل ف مره قدرنى
وعامل فيها ميت قاضى
بيحكم ع اللى شاف حلمه
بيتبخر قصاد عينه
وضاع أمله
يعود من تانى لسنينه
بيتحكم بصوت جهله
ف حلم حلمته من صغرى
ويأمر كل حراسة
تشيل رأسه
بسيف الظلم والغيره
وتحرق نبت أفكارى
عشان دايما أكون ماضى
ف سجن الأمس ودروبه
واكون مؤمن بملعوبه
ومكتوبه اللى صار حجة
ف شهر بيمشى بالذقه
عشان ديما
اكون نكره
ف دنيا ناسية مش فاكرة
كلام قلته زمان ليها
وانا عيل بيتمشى
على شط الأمل حافى
عشان ارجع واعود تانى
لدمع العين وأخزانى
ونوبة يأس منعانى
أشوف حلمى بعين بكره
********************
رضا أبو الغيط
ليست هناك تعليقات:
إرسال تعليق