سجال بعنوان ( إنسى )
بقلم الشاعر / حسن عمران
و
الشاعر / ايمن خليل
.......
حسن عمران /
إنسي..
الحب مش محايلة..
والود مش رجاء..
ولو المعزة مايلة..
يبقي الأحسن فراق..
م أنا ياما طلبت ودك..
مالقيت غير بس عندك..
ومارضتش ف مرة أردك..
وبقيت ف حياتي داء..
لكن خلاص كفاية..
ياللي انت مش معايا..
ح تقول أصل الحكاية..
وأعذار من غير نهاية..
ياللي نسيت الوفاء..
إنسي ودوق الفراق!!.
أيمن خليل /
وازاي افارقك يا غالي
وابعد عنك كمان
ده انت دايما في بالي
وبحبك من زمان
مبلاش معاتبة جافة
ياراميني بكلمة ناشفة
دي كل الناس في كفة
وانت لوحدك ميزان
وانا بعدي غصب عني
لكن انت جوة مني
وادعيلي الله يعيني
بس ف ساعة الأذان
حسن عمران /
ياسيدي الله يعينك..
ويكتر لك سنينك..
ويزود ف محبينك..
بس ماتنساش حبايبك..
بعتب ده لإني ريدك..
أخ وصديق بحبك..
واسأل ف مرة قلبك..
ح يقولك مين يحبك..
قد غلاوتك بعاتب..
وبحجم حبي احاسب..
حبي كنز مكاسب..
واعدل وخدنا جنبك.
أيمن خليل /
حبك في قلبي راكن
واخده تمليك مساكن
شايله معايا ..دايما
جنبي ف كل الأماكن
ياصديقي ومن سنين
ومعلمني .....الحنين
بادعيلك قول... امين
تبقى في شارعنا ساكن
حسن عمران /
من غير ضحك وهزار.. ودك واخده إيجار..
تمليك علي استثمار.. ملكية خاصة جدا..
تقدر تقول خصوصي.. وحياة بقي وضروسي.. ويادنيا ياللا دوسي..
ع الفرقة كيف وعدا..
بلعن فرقة تفرق..
وانا اهوه عمال أفرق..
ف محبة أهي تبرق.. بأمريكي كمان وروسي.
أيمن خليل /
ودك تعليم أساسي
جوة ف قلبي وراسي
منهج حافظه ومذاكره
ساكن جوايا راسي
ابجد هوز يا صاحبي
حطي كلمن في حبي
بادعي أنجح وربي
وارسي على المراسي
حسن عمران /
الله يديم نجاحك..
ويزيد إشراق صباحك..
م هو أصل ياواد فلاحك.. فلاح. نجاح لقلبي..
م انت صديق وغالي.. وحياة ربي وعيالي..
أخ وعلي طول ف بالي.. وبجد حقيقي صاحبي.
أيمن خليل /
الله يبارك حياتك
يحفظ قلبك وحالك
يا نور و الجو حالك
يا صديق وقت الشدايد
كللي مشاعر عشانك
ومحبة كتير تجاهك
وصوت قلبي نادى لك
شمعك تمللي قايد
ليست هناك تعليقات:
إرسال تعليق