مابقاش كلام
*******
مابقاش كلام
كل إللي باقي خلاص مابينا
إحساس ونظرة والسلام
كل الدفاتر إتنست
حتى الخصام مابقاش خصام
مابقاش عتاب
بقى شئ طبيعي بدون ملام
أصبح حبيبي شخص عادي
والقلب فاضي من الغرام
راح الزمان
وكل شئ كان إتكتب
ونقول نصيب كان ياما كان
راح الاشتياق
راحت ليالي حبنا
ونسينا أيام اللقاء
راح كل شئ
كل إللي باقي فؤاد برئ
وكأنه بالظاهر جرئ
ممكن يفارق أو يخون
لكن الحقيقة غير كده
أنا قلبي بعدك بس جثة مَهدِدة
ماتت خلاص
مبقيتش أحس بأي ناس
مابقاش محبة من الأساس
مابقاش غرام
وهو دا آخر كلام
خلص الكلام
بقلمي
أ.مشيرة النقيب
ليست هناك تعليقات:
إرسال تعليق