( آه يا وطن )
***********
نبض العروبه وهمها
وما حد شايل همها
والجرح سايبينه بينزف
جوه حبيبتى ف قلبها
مسرى الرسول وقبلته
قبل ما تبقى وجهته
مكه وكعبتها الشريفه
ومنها كانت عرجته
ليه الوطن علينا هان
ليه كل حد بقى ف مكان
وبقينا فرقة ماليها حرقه
على وقت كنا فيه زمان
كنا عصبه وكنا حق
وكنا سيف عدل وحق
ودينا كان أغلى مالينا
فرطنا ليه والصف شق
ماحد همه غير مكانه
والجار معادش يغير عشانه
ويشوف ما فيه وبدم بارد
ناسيان مهابته ناسيان زمانه
وطن مكسر ألف كسر
ف ليل طويل مباينله فجر
وعين بتعمى ما فيها شوف
ولا حتى مالكه لروحها أمر
ليه الهوان فى دين وأرض
ومعادش نخوه لكشف عرض
وأمتى يِحْمى الدم فينا
دفاعنا سنه كمان وفرض
أخر الكلام مش عايز أرص
الرف مال من كتر رص
لو كيف ماكنا صاينين حدودنا
مكنش كلب علينا بص
**************
المصرى العربى الحر
محمد الشاذلى
ليست هناك تعليقات:
إرسال تعليق