☺😊 حرب الورد ☺😊
اداني حبيبي ورده
واديت لحبيبي ورده
ورجع من تاني هو
يهديني برضو ورده
جرا أيه يا حبيب حياتي
دي مش عادتك يوماتي
بالورد عامل معاهدة
ويقولي اليوم دا عيدنا
أنا ستك وانت سيدنا
عيد الحب النهاردة
ورجع يديني ورده
وانا قمت اديته ورده
قولتله اليوم هايخلص
والشوق عمره ما ينقص
دقات القلب ترقص
وانا عيني عليك دي بارده
يفرح من القلب يجري
يرجعلي بدري بدري
يقطف لي كل وردي
يحدفلي في جون وعارضه
وانا اصد ف كل وردة
وقعدنا اليوم بطوله
يحدف فيا بزهوره
ومدام فرحان حبيبي
انا فرحان لما يرضا
طلعنا في الجنينه
والشمس ضاربه فينا
ولا شيء ضلل علينا
ما قطفنا كل ورده
اه من حرب النهاردة
وانا هاعمل ايه يا نينتي
خلص الورد ف جنينتي
نسيت اليوم حبيبتي
انتي حبيبتي انتي
ليكي م القلب ورده
ءءءءءءء
عاطف كمال
شاعر هواره
ليست هناك تعليقات:
إرسال تعليق