الخميس، 20 فبراير 2020

حلم النهار ...... للشاعر / حسن السحماوي



حلم .. النهار ...!!
...........
أنا عمرى كله فى دنيتى
عايش وحيد  
ولا عمرى حسيت الهنا
ونفسى قبل مااموت   
أعيش عمرى الجديد  
باحلم بضله تحت شجرة مهجتك
واتمنى أكون لك دنيتك
وأغزل ضفاير غنوتك  
حدوته يحكيها .. النهار  
وافرد جناح الشوق 
 على بابك قمر
يغوى السهر  
وانسج ضفاير ضحكتك  
حبات نجوم
الله يا ليل السهرانين  
كم حلم راح .. كم حلم جى
وأنا لسه مستنى القمر
وف قلبى ناسج حرف متعطش حنين
ممدود لشوقى من زمن 
 طى السنين
وسألت وجدانى اللى هام
وف عشقه صام
 قام سابنى جوايا الكلام
اتبعترت جوايا كل الأسئلة  
وأنا لسه باحلم بالنهار  
........................ 
للشاعر / حسن السحماوى

ليست هناك تعليقات:

إرسال تعليق

فن البوستات كمال العطيوى