( أكبر جراح )
فيه حاجات كتير إتغيرت
مشاعر أحاسيس إتعورت
بين هجر وما بين خصام
حتى العهود بينا إتزورت
إزاى بقيت إنت أكبر جراح
وبقيت تجرح حتى الجراح
وبقيت أسير معرفش أطير
وإزاى أطير من غير جناح
كنت بتأسى وبعمل ناسى
وظنيت إنك أهلى وناسى
ويا ما قلبى قالى أبعد
قلتله لأ أنا عاوز أأسى
وبقيت معزول من غير سلاح
وإنت إللى بقيت أكبر جراح
تدبح قلب وتبكى العين
وتزرع أحزان بدال أفراح
( جمال رمضان )
ليست هناك تعليقات:
إرسال تعليق