ويفرق إيه بعاد بينا
ما كان يومك قاصد غيرنا
ولما أغضب تحايلنا
وليلك بالقمر سهران
تعدى ساعة والتانية
وأقول فاكر ومش هاينة
عليك باعتب ومش جانية
أتارينى دهب متصان
لوقت العوزة ح تشوفه
يقابلك هوه فى كسوفه
ومهما دارى يوم خوفه
غيابك للبعاد عنوان
وأقضى أيامى أحسبها
مابين غيرة أكذبها
وبين حيرة بنكتبها
على الأوراق تكون أحزان
يا شاغل بك عيون تانيين
وتستنى دموع العين
ح تفرق إيه عن الحاسدين
بتشمت فيا يا إنسان
ح تنسانى مفيش تانى
سهر وعذاب لأحزانى
ومهما تقول أنا مظلوم
قيامتى تقوم يا أنانى
بتول العتربى
ليست هناك تعليقات:
إرسال تعليق