إلى أحدهم
...........
اوعى يخدك غرورك
انت بتكتب زينا
منتش فارق كتير
والله يا عمنا
زى انت ما بتقول
احنا بنقول كلنا
كلها مواهب ونعمة
وهبها ربنا
يعنى مش فتاكة منك
هنا ولا هنا
الناس كلها زى العسل
مكتوبة بحرفنا
والكل بيجاهد ويعافر
وده حظنا
ان احنا نتعب ونكتب
وده الفرح عندنا
واخر اليوم نطلع ب كلمة
تلم شملنا
فى مجلة ولا جروب
يكون عليه فرحنا ودمعنا
وشكوى حاسين بيها
مرسومة على وشنا
بدال مانكتمها جوانا
نرسلها لبعضنا
والكل يشارك بكلمة
تنسينا حزننا
وانت عمال تغرد لوحدك
سلام ياحجنا
انت خليك فى طريق الغرور
واحنا معانا ربنا
هو الوحيد ال قادر
يسعد بختنا
وانت مع السلامة هناك
بعيد عن حينا
على ياقوت
مصر
ليست هناك تعليقات:
إرسال تعليق