لما يكون كدبك باين
واضح ظاهر للى يعاين
لما يكون طبعك خاين
اوعى تحاول يوم تتنصح
حدد هدفك أكتب افصح
واحنا ح نعرف مين تعنيه
لما الكدبة فى يوم تكدبها
اوعى تنكر أو تحسبها
كل كلامك ح تغطيه
وأما تعيش تحلم بالبلدى
وتكون ناسى انك ولدى
وأنا لمؤاخذة إللى مربيه
وإن حبيت تهرب على طول
قبل ماتهرب جرب قول
أصل البعد دا برضه أصول
لازم ترضى إللى أنت راميه
وتعود تكدب ف الأوراق
بعد ما قلنا خلاص اهو فاق
لا بصراحة أصله دا داق
لو يوم فته تشكى فراق
وأنت حياتك مغروسة فيه
# بتول العتربى
ليست هناك تعليقات:
إرسال تعليق