نفسى اقولك كلمتين ....الشاعرة راوية حسن

نفسى اقولك كلمتى
من مبتدأ كلمه
حقولها ونبتدى
نفسى فى حرف يجرنى
من وحدتى
وخبر ازيعه ع الملاء
واقول ده حالى
من بعدصفات تضمنى
تحلو بيها دنيتى
بس الحروف محتاجه
ليك وتنحنى
دايره وعايشه انا فيها
نفسى اكون فى زاويه منها
وانحنى لكلمه منك
تجبر قلبى ومهجتى
وترفع عنى وحدتى
بسرح كتير فى معنى
انت تقصده
وتحط سهمك وتشاورلى
وتقول تعالى نبتدى
نقطه ومن اول السطر
حبدا بالمبتدأ
وانت الخبر اللى
جاى تكمله
وتفرح بيه دنيتى
قالوا كلام كتير
انما كلامك هو كل منيتى
حرفع رايات الود
لجل ماتطول خطوتى
وانت بالنسبه ليا
مركز حياتى ودايرتى
يبدأ نبض قلبى
فى العد ومايحسب
ابدا حساب لكلمتى
لانك انت كل كلمه
قالها قلبى فى سكتى
~~~~~~~~~~~~
راوية حسن