مش هضعف من تاني و أحن
ولا همسك تليفوني وارن
ولا هقبل انك ترجعلي
لو تبكي او حتى تئن
..............
مش هغرق ف بحورك تاني
ولا هقبل حبك يا أناني
ولا هسمح انك تجرحني
ولا تزرع شوكة ف بستاني
................
ولاههوى كلامك ولا هسمع
ولا هلغي قراري ولا هرجع
وهموت كل اللي مابينا
وهلملم ف رسايلي وأقطع
..............
انا رافض البس من توبك
منا قلبي مبقاش محبوبك
انا خارج بره حساباتك
واتهنى مع باقي قلوبك
................
وكفاية القلب اللي كسرته
والجرح اللي بقسوة دملته
والحب اللي قدرت تبيعه
والباب اللي بسرعة قفلته
................
خد بعضك وامشي علطول
ولا تحكي معايا ولاتقول
ولا تحلف انك غلطان
وبإنك كنت المسئول
...................
ياسارق من عمري العمر
يامحلي بالمر المر
يا واخد اكتر مابتدي
انساني قد قضي الأمر
ليست هناك تعليقات:
إرسال تعليق