سجال مشترك بين كلاً من...
شاعر الإنسانية الواقعية
ا. عوني هشام
الأديبة الشاعرة / إيمان ذهني
_________
بعنوان :. عيد جوازنا
_________
كل الناس حواليا
لكن.... انت لوحدك عالم تانى
روحت بلاد انا شفت اماكن وكل مكان طيفك فيه جانى
مين المجنى ومين الجانى
وانا فى البعد أسيت وبعانى
قربِ منى تعالىِ ف حضنى... بعدك عني ها يخليني اعيش وحدانى
حاسس وانا عايش فى الغربه أن عينيك ياحبيبى شايفانى
اه يا حبيبتى.... انتِ لوحدك. عالم. تانى
======== ايمان ذهنى
أنا لوحدي عالم تاني
في عيد جوازنا
قولت اقلب ف ذكرياتى
لقيتك حبيبي عايش فى قلبى وف حياتي..
مسح لي حزني ودمعتي
وبحور آهات
🌹🌹🌹🌹🌹
_جدد لي سعدي وفرحتي
وكتير حاجات
جدد لي حبك كل حاجه حلوه فيه
حاسسني اني لسه عايشه ومش
راضيه
========= عونى هشام
ايوه انتِ مش راضيه
عيشت معاكي عالم تاني شايف صورتك... ورغم البعد عنيكي حاضنانى
عايشه معايا.... وشمه هوايا ... وحاسس ان هواكِ ربانى
انا ربيت الحب ف قلبى شفته معاكِ اشعار واغانى
كل اغانى الحب حافظها....
لكن عزفك من وجدانى
كلمة احبك عايشه ف قلبى لما اقولها.....
تقول سامعانى
اه. يا حبيبتى.... انتِ لوحدك. عالم. تانى
======== ايمان ذهنى
انا لوحدي عالم تاني
ايوه قول لى كلمة حلوه ترد روحي.... وتعيشني معاك من تاني
كلمة بحبك ياحبيبتي
تبل ريقي.... وتحسسني أن الحب ده شئ حقيقي
فاكر زمان لما اتقابلنا عين فى عين
شفت منك المحبه والحنين
ضمتني ضمه توهت فيها
عشت وياها السنين
🌹🌹🌹🌹🌹
_ حسيت بحبك واتنسى كل الآنين
شفت نفسي في نور عينيك
شفت قلبي مال إليك
وف غربتك زادت شجوني
ودمعتي علي جفوني
قالولي ليه... مين حبيبك؟
واللي أصبح من نصيبك
قولت هو... وسكت لحظة
هو قلبي ونور عينيه
هو كل حاجه ليه
هو حبي وذكرياتي
واللي نسيت معاه آهاتي
واللي هيدعيلي ف مماتي
========== عونى هشام
ايوه هدعيلك... طول حياتي
عارف انك. مشغوله بيا. محتاجه شوق وكمان حنيه
ياما آسيت. ف سنين الغربه وحاسس بيكى انك بتعانى
اوعي تفكري انى نسيتك.... تبعدى عنى تقولى انسانى
لا ياحبيبتى... الحب جمعنا. ودايما طيفك بين احضانى
مهما بعدنا. فى يوم. رح نرجع نحلم... نفرح سوى من تانى
آااه. ياحبيبتى.... انتِ لوحدك..... عالم تانى
========= ايمان ذهنى
انا لوحدي عالم ثاني وانت حبيبى وانت نصيبى
ودايماً ف قلبى ونور لعينيه ...
كل ايامى معاك فيها غنوه
فيها الشوق مليان حنيه
_انت بعدت وعيشت فى بعدك ياما اسيه
واما ها ترجع نفسى اشوفك
نفسى اضمك يوم بإيديا
اوع تفكر تبعد تانى
هاتعيش باقى ايامك ليا
اه يا حبيبى...انت اَسيت
وانا محرومه من الحنيه
=======
سجال مشترك بين
إيمان ذهني & عوني هشام
ليست هناك تعليقات:
إرسال تعليق