من غير محبوب
عاشق وِبَدوُب
وبعيش بخيالى مع الفكرة
ولا بسأل إيه بُكرة المكتوب
وما دُمت العاشق والمحبوب
مبخافشي من المكتوب بُكرة
وبعيش بأمالي ف خيالي
وغرام متخبِّي ومدَّاري
ولا بعرف خوف من عزَّالي
وبكوِّن ميلِي وأفكاري
من كل الأحاسيس النَْادرة
لا فـ يوم بخْلِفلي مواعيد
ولا يوم انا بعرف تنْهيد
وتملّي بعيش الحب سعيد
ومدام أحلامى الصعبة بعيد
ف انا عايش احلامى السهله
ولْـ حَدْ م يوصَل شوق عُمري
أهو يبقى الشوق عِشْتُه بـ أمري
وابقى مضيَّعتش من عمري
غير بعض ساعات مش مستاهلة
واعشق وأدُوب
وما دمت العاشق والمحبوب
مش ح اسأل إيه اللى ف بُكره
ليست هناك تعليقات:
إرسال تعليق