أنا وخيالى
=======
عونى هشام
انا مع نفسى. وخيالى
بيشبهنا نتوه. مع بعض
اروح شمال. ملازمنى
يمين الاقيه. مجننى
بطول مع عرض
انا وهوه واحد فى اتنين
ونبتى زرعه جوه الارض
فليه تحرمنى من نفسى
لا كنت افيش. للسيما
ولا حتى فى شاشة عرض
يوم حبيت غار منى
وعاتبنى
كأن وجوده. سنه وفرض
ياسيدى الحب مش بيدى
دا احساس. يجرى
فى وريدى
دق الباب. ودا كان رد
فلا تلومنى وسيبنى اعيش
بقيت زاهد من الدراويش
ولو دق الهوى. بابى
هقابله بصد
وابنى فى قلبى 100 حاجز
وانا جاهز كمان بالسد
عشان خاطرى
بلاش تحبس. لى انفاسى
بقيت اسى. فى حر وبرد
خلاص العمر. راح منى
واحساسى. بعد عنى
وبقيت ياللا. كمالة عد
رجعت لنفسى. فى مرايا
شفت صبيه. ويايا
تقول فينك
وليه قافل. بيبان الود
انا فاض بيا. احساسى
يا اسى
. ليه بننكر بعض
عدى العمر وانا باقيه
ولو تزرع. اكون ساقيه
فى شريانك حبال الود
انا عاشقه
وعارفه انك. كمان عاشق
انا رايداك. فهات الرد
========
ليست هناك تعليقات:
إرسال تعليق