برغم التوهه والضلمة
وأحزانا بقت هِرمه
فى دنيا تملى واخدانا
وترمينا ف كام أزمة
وناس عملينا زى عبيد
يبخ ف سمه جوه وريد
يبان من بره شكله سعيد
وهو اوسخ من السرمه
وأهى دنيا ووخدانا
مرار قسوتها سقيانا
نقول الاه ما سمعنا
ولو حتى القلوب وارمه
نعدى اليوم وب العافيه
ونحلم بالحياة الصافية
حياتنا كلها دافيه
ونتراضى بقى ب كلمه
نحمد ربنا ونقول
يارب ل جنتك هننول
وندعى إن الهموم دى تزول
نقول دا قدرنا والقسمه
بنرسم ضحكة ع الخدين
برغم الدمعتين باينين
نقول الدمعة تشفى العين
تداوى مرارة القسوة
ازرع ورد ف غيطانك
اجني الشوك واحزانك
واغني كل اللحانك
ف ترجعلى نواح وأنين
سامى ابو الغيط
ليست هناك تعليقات:
إرسال تعليق