بعد العتمة هيجي النور
وبعد الصبر هيجي الدور
وبعد سنين هيهون العمر
ولجل الحلم هنكسر سور
.................
وانا حلمي مش ملك الإيد
حلمي يادوبك لسه وليد
لسه بيحبي ونفسه يخطي
ونفسه يعيش ميكونش شهيد
.....................
حلمي فراشة بتنده وردة
حلم حقوقه مهيش متاخدة
حلمي حكاية ومابتكملش
حلمي ياناس محتاج لمساندة
................
كل مقرب منه يغيب
واما اشكيله يقولي نصيب
عمره مفكر يوم يصالحني
ولا يكون من ايدي قريب
....................
ولأني على حلمي مصمم
مش هيأس أبدا ولا اسلم
ولا هرفع للحزن راياتي
وهعالج ف الكسر وارمم
....................
انا هصبر على حلمي وهوصل
من توبه هلبس وهفصل
وهعدي ع الصعب وادوس
والشاطر يلحقني يحصل
ليست هناك تعليقات:
إرسال تعليق