عم يا بتاع الروبابيكيا
كل جروحى تملى باكيه
عندك حاجه تكون سليمه؟
شوفلى فارده م القديمة
شوفلى أى شيء مهم
يخلى جرح الروح يلم
شوفلى عندك أى حاجة
تسد خانه ف أى حانه
شوفلى بَدلّه،،،كارووه،،،وساده
جزمه بنى،،،،،أو بياده
المهم أرَجّع الذكريات
وأشوف إللى سابنى،،،مات
وأحس بإن ليا قيمه
مش مكتوب ف القسيمه
إنى عايش والسلام
عاوز أشوف إللى نام
وأحس بيه ف المنام
شوفلى أى حاجة باقيه
مش شرط موضه ولاّ راقيه
حاسس إنى بأجر ساقيه
نفسى يرجع الزمان
يعود يعاود للمكان
واشكيله همى مهما كان
،،،،إيهاب السقا،،،،
ليست هناك تعليقات:
إرسال تعليق